И сега како многупати блескаше светилникот и ги осветлуваше сите верни, неизмерно во потполност ни се дава Божјата благодат, Богоносецот Игнатиј од сите краишта ги собра своите верни чеда давајќи им преславни чуда, во соборноста на единството, во Христа кој брза во Витлеем од Дева Богородица да се роди.
Таинство преславно, како денес ние стоиме пред моштите на светиот Игнатиј кого како дете го држеле рацете Господови, и навистина Милостивиот Бог и оваа вечер сите не милува како Негови деца, творејќи небројни исцеленија преку неговиот добар антиохиски епископ Игнатиј Богоносецот. Оваа вечер да се потсетиме на Спасителните зборови ,,Вистина ви велам, бидете како деца, зашто на децата прилега Царството Небесно”, најмили и ние денес како деца да се уподобиме за Царството да испросиме од свети Игнатиј исцеление за душите и телата наши, и да го прославиме Бог Троица, Отецот, Синот и Светиот Дух, Амин
