На подрачјето на Општина Кратово од утринава има врнежи од снег. Висината на снежната покривка во градот на улиците и на регионалниот патен превец Пробиштип- Страцин е околу 5 см со што е отежнато движењето на возилата.
Не терен се излезени вработените на Јавното претпријатие Кратово и со трактор со корпа се чистат улиците во градот. Од ЈП Македонија пат-Пункт Страцин сме известени дека очекуваат да пристигне Камион-Чистач од Крива Паланка и ќе започнат со чистење на овој патен правец. Во низинските села висината на снежната покривка е околу 5 см. и задолжителна е зимска опрема. Во планинските села односно на петниот правец Кратово-с.Каврак висината на снежната покривка е од 15 до 25 см со што сообраќајот се одвива отежнато со теренски возила со зимска опрема.
Селата Трновец, Талашманци и Крилатица од вчера немаат електрична енергија и од ЕВН сме известени дека екипи се на терен за да го лоцираат дефектот.
ЦУК
