Над 50 илјади граѓани примиле вакцина против сезонски грип, а 59 илјади граѓани досега аплицирале за бесплатна вакцинација. Вакцинацијата против сезонски грип е најефикасна мерка за превенција на грип, која спречува појава на потешки форми, компликации и смртен исход особено кај ризичните групи. Со воведувањето на имунизацијата како мерка за заштита постигнати се најдобрите резултати во историјата на медицината.
Признаена е како една од најуспешните и најекономични здравствени мерки во светот што создава колективен имунитет.
