99
Рускиот претседател Владимир Путин во телефонски разговор му рекол на турскиот претседател Реџеп Таип Ердоган дека Русија ќе ја прекине својата „воена операција“ само ако Украина престане да се бори и ако се исполнат барањата на Москва, соопшти Кремљ, пренесува Би-Би-Си.
Русија инсистира на тоа дека нејзината инвазија на Украина по копно, воздух и море е специјална воена операција, за која Путин тврди, без никакви докази, е потребна за „деназификација“ на земјата.
Рускиот лидер повтори дека нападот се одвива според планот и според распоредот.
Тој даде слични коментари во последниве денови, поради пресудите на западните одбранбени аналитичари дека руската воена кампања оди помалку добро од очекуваното.
Според соопштението на Кремљ, Путин вели дека се надева оти украинските преговарачи ќе заземат „поконструктивен“ пристап.
Кабинетот на Ердоган соопшти дека турскиот лидер апелирал за итен генерален прекин на огнот.
