На дневниот ред на Советот на Општина Битола ќе се најде и Предлог-решението за давање согласност на Одлуката за донесување на нов Ценовник за изведување на градежни работи – канализациони објекти на КЈП „Нискоградба“ Битола.
Што предвидува одлуката? Со оваа точка, Советот треба да даде согласност на ценовникот кој јавното комунално претпријатие ќе го применува при реализација на инфраструктурни зафати од областа на канализацијата. Станува збор за работи поврзани со изградба, реконструкција и санација на канализациони мрежи и придружни објекти, кои ќе се спроведуваат за потребите на Општината. Ценовникот ќе се применува во рамки на договорите што Општина Битола ги има склучено по вториот јавен повик од страна на Влада на Република Северна Македонија и надлежните министерства, а во согласност со член 24 од Закон за јавни набавки.
Што точно значи тоа во пракса? Практично, ова значи дека: Се утврдуваат конкретни цени за типовите градежни работи што ќе ги изведува „Нискоградба“. Општината ќе може директно да ги реализира предвидените инфраструктурни проекти преку своето јавно претпријатие, во рамки на законските можности. Се овозможува побрза и поефикасна реализација на проектите од комуналната инфраструктура, без дополнителни постапки за јавна набавка, онаму каде што тоа е дозволено со закон. Член 24 од Законот за јавни набавки предвидува можност договорен орган да додели договор на правно лице основано од него, под одредени услови (т.н. „in-house“ набавки), кога контролата и активностите на претпријатието се во најголем дел насочени кон основачот – во случајов, Општина Битола. Зошто е ова важно? Донесувањето на ваква одлука е значајно бидејќи: Обезбедува транспарентност и однапред дефинирани цени за градежните работи. Го олеснува спроведувањето на проектите финансирани преку владините повици. Овозможува подобрување на канализационата инфраструктура во општината, што директно влијае врз квалитетот на живот на граѓаните. Доколку Советот ја усвои одлуката, новиот ценовник ќе стане основа за пресметка и реализација на сите идни зафати од оваа област во рамки на договорите склучени по вториот јавен повик.
Иако формално станува збор за административна согласност, финансиската тежина на одлуката е значителна. Осумте договори значат повеќе инфраструктурни зафати низ општината, а висината на цените директно влијае врз вкупната вредност на проектите. Отсуството на класичен тендер со конкуренција отвора простор за јавна дебата: Дали цените се во рамки на пазарните? Дали има направена споредбена анализа? Како ќе се контролира квалитетот на изведбата? Што значи ова за граѓаните? Доколку проектите се реализираат ефикасно и со реални цени, граѓаните може да добијат: подобрена канализациона мрежа, намалување на ризик од поплавувања, подобри санитарни услови. Но, доколку цените се повисоки од пазарните или нема доволна транспарентност, постои ризик од нерационално трошење на јавни средства. Одговорноста е кај Советот Советниците имаат клучна улога во процесот, бидејќи со давањето согласност практично го одобруваат финансискиот модел по кој ќе се реализираат проектите. Очекувањата на јавноста се дека ќе се направи детална анализа на ценовникот пред гласањето. Од исходот на оваа точка ќе зависи динамиката на реализацијата на инфраструктурните зафати што се најавени во рамки на владините повици.
Забрането е неовластено преземање, копирање или дистрибуција на текстуални содржини без писмена согласност од авторот или сопственикот на веб-страницата. Прекршувањето на овие услови за користење, како што е неозначување на изворот со хиперлинк , подлежи на законска одговорност за заштита на авторските права.
Share on Social Media
