Денеска се организира бесплатен превоз до Битола за клиентите на Алта банка од Прилеп, Охрид и Ресен кои немаат платежни картички, со цел да ги подигнат своите парични средства. Превозот е организиран од страна на Народната банка, а враќањето назад ќе биде обезбедено веднаш откако граѓаните ќе ја завршат работата во битолската филијала.
Еве го точниот распоред на поаѓање за денеска:
Прилеп: Тргнување во 10:00 часот од плоштадот „Методија Андонов – Ченто“.
Охрид: Тргнување во 11:00 часот од градската автобуска станица.
Ресен: Тргнување во 12:00 часот од пред маркетот „Кипер“.
Дополнителни олеснувања од следната недела (од понеделник):
За да се намалат притисоците врз филијалите и да им се помогне на граѓаните, гувернерот Трајко Славески најави неколку клучни промени кои стапуваат на сила од следната недела:
Отворање нови шалтери: Од понеделник почнуваат со работа шалтери во Тетово и Струмица, каде клиентите без картички ќе можат да подигнат до 20.000 денари.
Поголем лимит за готовина: Неделниот лимит за подигнување готовина се зголемува од 10.000 на 15.000 денари.
Слободни идни приливи: Сите идни приливи по основ на плати, пензии и социјални трансфери кои доаѓаат од институции и компании со сметки во други банки, ќе можат да се повлечат во целост
