Поранешниот директор на РЕК „Битола“, Пеце Матевски, е осуден на две години затвор за злоупотреба на службената положба и овластување во постапката за јавна набавка за ископ на јаловина, во која била избрана битолската фирма „Рудкоп“, а била отфрлена понудата на скопски „Гранит“.
Пресудата ја изрече судијата Горан Димовски од Основниот суд во Битола. Покрај Матевски, условни казни добија и Димитар Петковски, Благојче Ѓорѓиевски и Тони Ангелевски, членови на Стручната комисија. На нив им е утврдена казна затвор од една година, која нема да се изврши доколку во рок од две години од правосилноста на пресудата не сторат ново кривично дело.
Според образложението на судот, обвинетите Матевски, Петковски, Ѓорѓиевски и Ангелевски прибавиле корист за „Рудкоп“ во висина на разликата меѓу понудените цени, откако понудата на „Гранит“ била отфрлена и фирмата не учествувала во електронската аукција. Со тоа, според пресудата, на РЕК „Битола“ ѝ била предизвикана штета од 178.370.319 денари, односно околу 2,9 милиони евра.
извор и цел текст https://skopjeinfo.mk/dve-godini-zatvor-za-pece-matevski-uslovni-kazni-za-ushte-sedummina-vo-sluchajot-so-tenderot-vo-rek