Уредникот на рускиот независен медиум „Нова Газета“, Сергеј Соколов, беше уапсен денеска во Москва, а неговата куќа беше претресена, соопшти неговата редакција, пренесува Ројтерс.
Русија ги заостри законите за цензура и го зголеми притисокот врз независните медиуми откако во 2022 година ја започна војната во Украина. Според организацијата за следење на медиумските слободи „Репортери без граници“, во земјата моментално се затворени 50 новинари и медиумски работници.
