сре. Ное 18th, 2026

Пронајдени две артилериски гранати од 75 mm и 105 mm кај Новаци

Две неексплодирани артилериски гранати од Првата светска војна беа пронајдени на брегот на Црна Река, крај мостот во атарот на с. Новаци.

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно ги подигна гранатите, а нивното уништување беше извршено вчера на армискиот полигон Криволак, заедно со над 2 262 различни неексплодирани средства (НУС), односно тромблонски гранати, рачни бомби и други артилериски гранати од минатите војни. Вкупната тежина на уништените убојни средства изнесувала околу 1,5 тон, а само нивниот експлозив тежел околу 200 килограми.

ДЗС апелира: При пронаоѓање на сомнителни предмети што личат на неексплодирани експлозивни средства, да не се допираат или поместуваат, туку веднаш да се пријават на телефонскиот број 112.

Напишете коментар

Вашата адреса за е-пошта нема да биде објавена. Задолжителните полиња се означени со *