пет. Ное 20th, 2026

Граѓаните одамна не живеат од перцепции и историски флоскули, туку од реалната вредност на сопствениот паричник

рата на „почнато, а незавршено“ не е минато, туку наша секојдневна реалност , доволно е да се погледнат капиталните инвестиции кои стојат во место и проектите што се префрлаат од еден во друг буџет без видлив крај.

Ако ги погледнеме реалните очекувања на граѓаните за Буџетот за 2027, тие не се само список на желби, туку аларм за пропустите што веќе се чувствуваат:

Најавените зголемувања на платите и пензиите се топат пред рафтовите во маркетите.

Проектирана инфлација од 3,2% на хартија не ги покрива реалните поскапувања на основните прехранбени производи и сметките, што значи дека граѓаните повторно добиваат помалку за истите пари.

Зголемените буџетски ставки не значат ништо ако пациентите сè уште чекаат со месеци за преглед и сами ги купуваат лековите, а учениците и студентите се соочуваат со доцнење на основните услови и стипендии. Потребни се функционални системи, а не само префрлање бројки од една во друга ставка.

За чист воздух и модернизација на јавниот превоз не се зборува само во пресрет на зимата.

Младите не ги задржуваат краткорочни мерки на хартија, туку сигурни работни места, квалитетно образование и реална шанса за сопствен дом.

Фискалната консолидација не смее да се сведува на ново задолжување и кратење таму каде што е најпотребно, додека непродуктивните трошоци растат.

Поддршката за еден буџет се заслужува со отчетност, конкретни рокови и видливи резултати за секој граѓанин, а не со политички пароли.

Напишете коментар

Вашата адреса за е-пошта нема да биде објавена. Задолжителните полиња се означени со *